Leaving on a jet plane, isn't it ironic.

Doar stoan we dan. Rond de klok van twie hebben we ôs verzameld op Schiphol beej vertrekhal 1. De tassen zitten in de flightbags, letste sigaretten (veur de roukers) en dan op noar de incheckbalie. Klein stukje laupe dachten we (we motte beej 1a zien dus vlakbeej), maar nope, tis in de aangrenzende hal, nog in flink stuk laupe en dus zeule met de tassen. Handig zonne backpack, maar dan motte wal neet al ingepakt zien :).

Beej de incheckbalie bliek Pleun unne "odd-shape" tas te hebben (iets met unne veerkantige liekezak) en dus meug deze netjes aafgeleverd weare beej de balie dr teageeuver. Natuurlijk wil ik (Jan) de tassen in Porto Wal wear in bezit hebben dus det wuurd dan ouk zoë geregeld.

Beej beide van ôs lup de spanning op want ut is bijna zover, maar veurdet we aafscheid neame van idderein goan we nog ff een letste pilske doan op ut terras, det wal vakkundig noar wens gereorganiseerd wuurd doar Jac want we zien met 11 man :). We proate nog ff wat noa, de letste wijsheden, tips en tricks weare gedeild en dan is ut dan echt tied veur ut aafscheid. De letste zwaai van Mam, Jac en Marije is nog neet geweas en al snel komme we dr achter det ozze vlucht un oar vertraging heat opgelaupe. Ach, we hebben alle tied dus we laupe doar de douane, woar we als letste oetgezwaaid weare doar de pap, mam en breurs van Pleun én Renée en Anne (die als verrassing noar Schiphol zien gekomme). Van alle emoties en spanningen hebben we dors gekreage dus weej pakken ôs nog ff rustig in pilske en loate ut ôs allemoal ff bezinken. 

Ut besef is dr nog neet echt en zelfs neet als we ut vleegtuug instappen. Scheelt det de ierste stop in Porto is dus de vlucht is neet huul lang. Als we opstijgen zeen we Nederland onder ôs doar glijden en al gauw verdwient ut kleine landje achter de wolken... 

In goaie twië oar late landen we alweer, pakken ozze tassen, stoppen deaze in de kluisjes en dan doar noar ut hotel. Ondertussen ben ik (Jan) alles kwiet aan ut raken (portemonnee, telefoon, maar auk wear truukgevonden in de rugzak) en kiek Pleun vrolijk um zich hear en is aan ut geniete.

Noadet we de beej ut hotel zien geweas laupe we de stad in. Ut veult alsof we in in film zitten woarbeej we als toeschouwers euver un filmset laupe want Porto is veur beide neet onbekend maar ut veult nog onwerkelijk. Al snel weite we un terras te vinden aan de kade van de Douro en zitten we aan de Port met in prachtig oetzicht op de alde Luis I-brug.

De ober waas erg kundig in zien beleving want hea kos os precies vertellen welke port roëd waar en welke wit :). Doarbeej bleef ut wal zon bietje maar hea smakte ôs wal. 

Opweag truuk noar ut hotel doan we nog ein portje beej un leuk terras. Terwijl ik unne port bestel kiekt Pleun noar de vlucht van morgen... "Ik krijg net een raar appje van TAPportugal met iets van een aanpassing in de vlucht tijden" maar det waas op zien Portugees dus we laote ut ff veur wat ut is. Nog geen 5 minuten later kriege we nog een bericht (in ut Engels dan wal) met de mededeling det de vlucht gecanceld is...

We scheate allebei in de lach, kieke elkaar aan en besloete dan maar us goat doar the zakke want volgens alles believe we nog wal ff in Porto. Gelökkig hebben we ozze tassen in de kluisjes ipv ergens op ut vleegveld. Gekschearend zegge we nog teage elkaar det we alles umgoeie en dan maar via Marokko langs de kust noar Zuid-Afrika laupe... doar sloape we nog maar us un nachtje euver.

's Morgens weare we wakker en besloete toch maar noar ut vleegveld te goan. Ozze originele vlucht waas rond 13.40 dus tied genoag veur in ontbijt. Met hand en veut alles besteld (ze kenne vegetarisch neet echt dus det waas nog in oetdaging) en dan rustig goan zitten (dachten we). Pleun heat oetgevonde det de originele vlucht is gecanceld maar det de nieuwe vlucht (euver un klein eurke sluut de incheckbalie) ôs noar Lissabon brengt umdet doar wal nog dagelijkse vluchte richting de euverkant goan. Dus halseuverkop de koffie opgedronke, de man achter de balie zurgde dr veur der ut vegetarisch brüedje snel aafgemak werd en doar noar ut vleegveld.

Met nog 10 minuten te goan komme we beej de kluisjes aan woar de tassen inzitten en kump Jan tot de conclusie dette ut bunke met de code is kwietgerak.... We weare un bietje mealig van alles en als ozze hulp ouk nog us alles op zien elfendertigste (rustig aan voor de Nederlanders onder ons) begint ut geveul te bekroepe det ze ôs neet wille laote goan. En joa huur, noar bijna un half oar kriege ze de kluis oape en hebben we ozze vlucht gemist... Op noar de balie woar  we gelökkig snel te hure kriege det dr nog un volgende vlucht geit um 14.00, want de vlucht in Lissabon geit pas in 23.30 (aankomst 05:30 locale tied aan de andere kant). We meuge ff plaatsneame en ik goan veur de verandering un pilske hoale. Als ik noar 5 minuten truuk kom stuit Pleun, lichtelijk geïrriteerd, te hannissen beej de balie met twië backpacks woarbeej de tas van Pleun wear in de liekezak meug. Dit kier goan beide tassen de band op en wear geaft Jan aan det de tassen in Lissabon oetgecheckt meuge weare (dr is immers al weinig vertrouwen in ut systeem). We hebben ôs nog neet ingecheckt en zeen tot ozze verbazing (naja, eigenlijk kieke we nergens mier van op) det de vlucht 20 minuten vertraagd is... 

En wat doan we dan: op noar de kroeg :)... Binnen de kortste kiere is de vlucht verder vertraagd tot 15.00 en nog ffkes later tot zelfs 16.00. Weej hebben tied genoag en hebben ôs thoes gemak in de kroeg van ut vleegveld. De vlucht noa os (ouk in vlucht um 16.00 noar Lissabon) stuit ouk op ut bord en is boarding en "hallelujah" weej meuge ôs doarnoa melden beej gate 8.

Met ozze letste sloek hure we in ein kier um bekende naam doar de luidspreakers van ut vleegveld klinken: "will passingers Jen Kuiesss en Ploen Peppercamp come to the gate" en al spoaiend (haastend) en lachend holle we noar de gate en zien als letste op de bus... Rond 16.30 loate we Porto achter ôs en vleage we doar noar Lissabon.

Aangekomme in Lissabon geit alles bijna goad. We komme dr achter det de bagage gewuën doargezat is noar de volgende vlucht en we heuve ôs volgens de Lost and Found meneer nergens zürg euver te maken. Met dank aan een aantal gastvreeje hiere van de facilitaire deenst (we ware ze teage gekomme toen we, jaja, un pilske aan ut drinken ware beej it wachte op de bagage), goan we ff boete ut vleegveld wat eate. Net als de rest van Portugal hebbe vegetariërs weinig keuze en umdet we neet huul vuul tied hebbe, goan we noar unne pizzaria. We weare geholpen doar en aardige mevrouw, bestellen 2 pizza, geave aan det alles tegeliek meug komme en leunen achtereuver op ut balkon van ein of ander winkelcentrum... Un kwarteerke later kump ut eate.. naja, miene pizza wal, dea van Pleun is gevalle en dr wuurd unne nieje gemak :)... 

Rond 22.00 zien we wear op ut vleegveld, stappen met nog weer un ruum kwarteer vertraging in ut  vleegtuug en dan parkieren we noa unne hule lange daag in ozze steul en laote we Europa eindelijk achter ôs.  (So, det waar un zin van heej Wies ginder)

Um 05.30 lande we op ut vleegveld van Rio de Janeiro!!! We zien dr :)! Allein nog de bagage en dan op noar ut hotel en dan met ruum 12 oar vertraging in un heerlijk bed... Allein nog de bagage... Hmmm... Woar blief de bagage. Jan zien tas rolt noa iets te lange tied vrolijk van de band... Dea is terecht. En dan is ut wachten. Woar is de liekezak van Pleun. Als de letste tas van de band is aafgehoald en ut dr neet echt op liek det dr nog iets aankump goan we toch maar ff informeren beej ut TAP infopunt. "Weet u waar mijn tas is"... Doar kenne zo os neet beej helpen. Pleun's backpack is spoorloos. We kieke elkaar aan, van vermeudheid scheate we in de lach en loate ut vleegveld veur wat ut is en goan noar ut hotel :)

Welkom in Brazilië! De wereldreis is begonnen! 

(Note van de redactie: klachten over spelfouden en slechte vertaling mogen in drievoud per post doorgestuurd worden naar un adres ;) )